Праект новай Канстытуцыі Беларусі прадставілі прэзідэнту
На пасяджэнні з рабочай групай па дапрацоўцы праекта Канстытуцыі Аляксандр Лукашэнка распавёў, што яму ўжо прадставілі новы варыянт галоўнага дакумента краіны.
Канстытуцыйная камісія правяла пэўную працу, прапанавала свае варыянты, а цяпер рабочая група спецыялістаў, створаная распараджэннем Прэзідэнта, працуе над шліфоўкай гэтай Канстытуцыі. І, калі ўжо па-народнаму казаць, прапісвае гэтую Канстытуцыю юрыдычнай мовай. Я атрымаў апошні варыянт, прапісаны варыянт, Канстытуцыі з улікам нашых ранейшых дамоўленасцяў у рабочай групе, пазнаёміўся. Сёння паспрабуем пагаварыць на тэмы, якія з’яўляюцца вострымі і важнымі для нашай краіны.
Аляксандр Лукашэнка
Нагадаем, што ў склад рабочай групай па дапрацоўцы праекта Канстытуцыі ўвайшлі:
- ўвайшлі кіраўнік Адміністрацыі Прэзідэнта Ігар Сяргеенка,
- старшыня Савета Рэспублікі Наталля Качанава
- прадстаўнікі абедзвюх палат парламента
- старшыня Федэрацыі прафсаюзаў Міхаіл Орда,
- намеснік дзяржсакратара Савета бяспекі Аляксандр Рахманаў,
- кіраўнік Апарата Савета Міністраў Канстанцін Бурак ,
- намеснік старшыні Канстытуцыйнага суда Наталля Карповіч
- суддзя Вольга Сяргеева,
- памочнік кіраўніка дзяржавы Аляксандр Косінец
- доктар педагагічных навук, прафесар Аляксандр Радзькоў.
Перад працоўнай групай стаяла задача адпрацаваць прынцыповыя пытанні, якія тычацца падрыхтоўкі канстытуцыйных змен. Галоўныя з іх, паводле слоў Прэзідэнта, – замацаванне ролі Усебеларускага народнага сходу, пераразмеркаванне паўнамоцтваў паміж органамі дзяржаўнай улады, захаванне збалансаванасці дзяржапарату і іншыя. Пры гэтым важна, перакананы Аляксандр Лукашэнка, ні ў якім разе не разбураць існуючую ў Беларусі сістэму ўлады.
Кіраўнік дзяржавы адзначыў, што таксама хацеў бы пачуць, чым было матывавана выключэнне некаторых артыкулаў і асабліва дабаўленне новых палажэнняў.
Думаю, што нам спатрэбіцца яшчэ адно пасяджэнне рабочай групы, а потым, як і было абяцана, мы вынесем варыянт на Канстытуцыйную камісію.
Аляксандр Лукашэнка
У далейшым адбудзецца грамадскае абмеркаванне праекта Асноўнага закону, канчатковы варыянт Канстытуцыі будзе вынесены на рэспубліканскі рэферэндум.
Прэзідэнт заўважыў, што эксперты працоўнай групы падтрымалі не ўсе прапановы Канстытуцыйнай камісіі. Пры гэтым кіраўнік дзяржавы падкрэсліў, што работа па абнаўленні Канстытуцыі Беларусі праводзіцца ў інтарэсах большасці грамадзян і для іх.
Але жыць па гэтым Асноўным законе давядзецца ўсім грамадзянам Беларусі і тым, хто прыедзе ў Беларусь. Закон ёсць закон.
Аляксандр Лукашэнка
Як заявіў падчас сустрэчы кіраўнік рабочай групы кіраўнік Адміністрацыі Прэзідэнта Ігар Сяргеенка, прадстаўлены кіраўніку дзяржавы новы дапрацаваны праект Канстытуцыі-гэта вынік дэталёвага, напружанага абмеркавання менавіта таго праекта, які быў распрацаваны Канстытуцыйнай камісіяй. Рабочай групай быў прапрацаваны кожны артыкул праекта, пры гэтым актыўнае абмеркаванне працягваецца. Як адзначыў Сяргеенка, асобныя дапаўненні і ўдакладненні ўносяцца нават сёння.
Пры гэтым Аляксандр Лукашэнка падкрэсліў, што Беларусь павінна заставацца прэзідэнцкай рэспублікай.
Я абсалютна перакананы, што Беларусь павінна быць прэзідэнцкай рэспублікай, калі мы хочам захаваць краіну. І Усебеларускі народны сход уводзіцца не таму, што нехта з прысутных або дзеючы Прэзідэнт проста рвецца на гэту пасаду, а для таго, каб забяспечыць, як юрысты гавораць, стрымліванне і процівагу. Гэта адна з фундаментальных рэчаў – стрымліванне і процівага, на гэтым будуюцца ўсе законы і заканадаўчыя акты.
Аляксандр Лукашэнка
